Garraioa

Garraio zerbitzua Haurtzaro Ikastolan
Garraio zerbitzuko oinarrizko arauak 
•   Garraio Zerbitzua Ikasleek soilik erabil dezakete.
•   Ikaslearen geltokia, izen emate orrian adierazitakoa izango da. Egin nahi den edozein aldaketa idatziz adierazi behar du gurasoak; idazkaritzan daude ereduak
•    Garraioa ikastolako zerbitzua izanik, ikastolako arauak beteko ditugu:
o    Autobusean ere EUSKARAZ hitz egingo dugu.
o    ERRESPETU OSOZ tratatu behar ditugu: autobuseko arduraduna, gidaria, kideak, eta nola ez, autobusa bera ere bai.
o    Gure lekuan eserita egongo gara bidai osoan (arduradunak esandako lekuan).
o    Segurtasun uhala erabiliko da beti, eta ikaslearen ardura ere izango da bidai guztian lotua eramatea.
o    Autobusean ezin dugu ezer jan eta ezer leihotik bota, eta ez dugu mugikorrik erabiliko.
Ibilbide osoa PDF formatuan
eskuratu nahi baduzu,
klikatu hemen.
Bajak Eskolaz kanpoko ekintzak dituzten egunetan 16:30etako zerbitzuan.
Ikastolak antolatzen dituen eskolaz kanpoko ekintzen kasuan:
Ikastolan ulertzen dugu ez dela egun horietan 16:30etako autobusean joango.  Hala izanik haur hori falta bada autobusa ez da zain egoten. Baina gerta daiteke egunen batean haurra etxera joan behar izatea nahiz eta eskolaz kanpoko ekintza izan egun horretan. Kasu honetan, BETI idazkaritzan adierazi behar da edo garraio arduradunari abisua pasatuko zaio ondorengo telefonora deituz edo mezu bat bidaliaz (whatsapp bat adibidez):  688 803049 ( Eskarne).
 
Ikastolak antolatzen ez dituen eskolaz kanpoko ekintzen kasuan:
Ikastolan ez dugu informaziorik haur bakoitzak noiz duen ekintza hori. Beraz ulertzen dugu egunero haurrak zerbitzua erabiliko duela. Hala izanik, aurreko kasuan bezalaxe haur hori falta bada autobusa zain egongo da eta haurra lokalizatzeko abisua emango du idazkaritzan. 
Egoera bideratzeko jarraitu beharreko prozedura aurreko puntukoaren berdina da.
o    GURASOEK IDATZIZ adieraziko dute haurrak  ZEIN EGUNETAN EZ DUEN garraioa arratsaldez erabiliko.
o    Egun horietakoren batean zerbitzua erabiliko badu, idazkaritzan adierazi behar da edo garraio arduradunari abisua pasatuko zaio ondorengo telefonora deituz edo mezu bat bidaliaz (whatsapp bat adibidez: 688 803049  ( Eskarne)
 
Baja puntualak beste arrazoiren batengatik
Egunen batean haurrak ez badu etxera joateko garraioa erabiliko, BETI abisatu behar da:
  • Idazkaritzara deituz  (10ak baino lehen goizean eta 15:30 baino lehen arratsaldean)
  •  Edo telefonora  mezua bidaliaz 688 803049 ( Eskarne)
Abisurik eman ez eta ikastolara haurraren bila etortzen bada gurasoa, AUTOBUS GELTOKIAN JASOKO DA HAURRA, ETA ARDURADUNARI BERRI EMANGO DIO GURASOAK.
   Arren, prozedura horiek betetzea eskatzen dizuegu. Modu horretara kudeaketa ona lortzeaz gain, haurrentzat segurtasuna bermatuko dugu.
 
Xorrolan ikastolara
     DBHko autobus erabiltzaileek, ikastolako autobus zerbitzuaren osagarri XORROLA ere erabiliko dute ikasturte honetan. Nola?
  • Ikasle bakoitzak Xorrola erabiltzeko txartel bat izango du, pertsonalizatua.
  • Ikasleak egunero ikastolako autobus zerbitzua erabiliz etorriko dira: goizean eta eguerdian
  • Ikasleak eguerdian eta arratsaldean etxera XORROLAn joango dira.
    ​    Modu honetara:
  • Eguerdian ikastola ondoko errotondako geltokian hartuko dute 13:23ean.
  • Bazkal ondoren itzultzeko ikastolako zerbitzua erabiliko dugu: 14:21ean Arraguan eta ohiko moduan gainontzeko geltokietan.
  • Arratsaldean, 16:55ean etxerako XORROLA hartuko dute
  • Xorrola iristen ez den auzoetara Taxi-bus zerbitzuarekin lotuko da.
Bizikletaz ikastolara
  • Ekimen hau LH eta DBHko ikasleei irekia dago.
  • Bizikleta gordailua prestatua dago, jantokiaren ondoan.
  • Atea 7:45ean ireki eta 8:30ean itxiko da, 12:00etan ireki eta 14:45ean itxiko da ( garai honetan bizikleta gordailua zaindua egongo da), eta 16:30ean ireki eta 17:00etan itxiko da.
  • Eskolaz kanpoko ekintzen bukaeran ere gordailuko atea irekiko du ekintzaren monitoreak.
  • Erabiltzaileek bizikleta giltzarrapoarekin giltzatuta utzi behar dute eta kaskoa gelara eramango da.
  • Ikastola ez da ordutegi horretatik kanpo bertan uzten den bizikletaren erantzule egiten, ez eta gordailutik kanpo uzte den bizikletaz ere.
     Ikastolako ordutegi barruan, eguerdikoa eta ekintza osagarrietakoa barne, ezingo da bizikleta gainean ikastolako eremuan ibili. Garai honetan bizikletaz etortzen denak, ikastolako eremuan bizikleta eskuan hartuta eramango du gordailura eta irten ere modu horretara egingo da.
 
Patinetez ikastolara
Ikastolako ordutegiaren barruan, eguerdikoa eta ekintza osagarrietakoa barne, ezingo da patinete gainean ibili ikastolako eremuan. Garai horretan patinetez etortzen denak, ikastolako eremuan patinetea eskuan hartuta eramango du gelara eta irten ere modu horretan egingo da.