Jantokia

Jantokia ikastolako zerbitzua izanik, ikastolako arauak beteko ditugu:

  • Jantokian ere EUSKARAZ hitz egingo dugu.
  • Jantokiko langileak arduratuko dira ordenaz eta funtzionamendu egokiaz. Beraz,
    guztiok ERRESPETATU behar ditugu, eta eurek hartutako erabakiak onartu behar
    dira.
  • Bazkalorduan eserita egongo gara, lekuz aldatu eta istilurik sortu gabe.
  • Arazoren bat dugunean, bertako arduradunarengana joko dugu arazoa
    konpontzeko.
  • Ikasleen Eskubideen eta Betebeharren Araudian jasoa dagoen modura, ikasleek
    ezingo dute garai horretan (12:00-14:30 edo 14:15-15:15) ikastolako eremutik atera, beti ere gurasoek baimenduta ez bada. Baimen hori idatziz adierazi behar da; beti ikaslea atera aurretik (14. artikulua, 3. puntua). Baimen inprimakia, Alexiako Galeriak atalean edo Haurtzaro Ikastolako webgunean aurki dezakezue edo idazkaritzan eskatu. Bete ondoren idazkaritzara helarazi beharko da.
  • Ikasleak irteteko baimenik ez duen kasuan, gurasoa ez den beste norbait ikaslearen bila etorriko balitz, aurrez abisatu behar da arduradunak jakin dezan; idazkaritzan horren berri eman beharko da, edo begiraleari ahoz adieraztea ere nahikoa izango da.
  • Jantokiko ohiko erabiltzaile direnak, egunen batean baja ematen badute, egun horretan ez dira jantokiko hezitzaileen zaintzapean eta ardurapean egongo.
  • Ikastolak antolatzen ez dituen, eguerdiko eskolaz kanpoko ekintzetara garaiz joateko ardura ikaslearen familiarena izango da, eta jantokiko arduradunari jakinarazi behar zaio saio hauen ordutegia zein den.
  • Etxetik ekartzen dituzten jostailuak:
    • Haur Hezkuntzako ikasleek etxetik ekartzen dituzten jostailuak gelan utziko dituzte; kasu bereziren batean jantokira eramanez gero, apal batean jasoko dira ikastolara itzuli bitartean; jantokian bertako jostailuekin jolastuko gara.
    • Lehen Hezkuntzan: baloiak gelan utziko dira. Beste jostailuak (txapak,
      zibotak…) jangelara eraman daitezke bazkal ondoren jolasteko, baina horien
      zaintzaren ardura ikaslearena izango da.

Menuak

Menuak ikastolako jantokian prestatzen ditugu, garaian garaiko elikagaiekin, eta elikadura orekatu bat sustatzeko irizpideak jarraituz. Eskaintzen ditugun menuak Inal Consultores Oiartzungo kanpo aholkularitza enpresaren laguntzarekin berrikusi eta berritu ditugu. Ikasleen eta familien asebetetze maila altua da.

Menuan berrikuntzak poliki-poliki sartzen ditugu, beti ikasleen harrera kontuan izanik.

Jantokiko arduradun orokorra Maritxu Loperena da. Horrez gain, maila bakoitzak eta, handieagoen kasuan, ziklo bakoitzak arduradun finko bat du.

Gurasoek edozein zalantza izanez gero, haurraren arduradunarekin ere zuzenean harremanetan jartzeko aukera izango duzue. Honetarako ikastolako idazkaritzara deitu eta abisua utzi behar duzue. Ondoren arduraduna zuekin jarriko da harremanetan.

Idazkaritza 13:00etatik 14:30era itxita dagoenez, larrialdiren bat sureratuz gero bakarrik deitu zenbaki honetara:

692 730 199 (Maritxu)